ძებნის შედეგი

ჭკვიანი მოწყობილობები თანამედროვე ცხოვრების განუყოფელი ნაწილი ხდება და ერთ-ერთ მოთხოვნად პროდუქტს წარმოადგენს. მათი დახმარებით, შესაძლებელია საცხოვრებელ სივრცეში არსებული ნებისმიერი ტექნოლოგიის დისტანციურად კონტროლი, მანძილის შეუზღუდავად. „Smart“ ნათურები ერთ-ერთი ყველაზე პოპულარული პროდუქტია ამ მიმართულებით, რომელიც შესაძლებლობას აძლევს მაცხოვრებელს ნებისმიერი ადგილიდან აკონტროლოს განათება, ნათების ტემპერატურა და ატმოსფერო. ამის საშუალებას იძლევა სისტემა, რომელიც ნათურაშია ჩამონტაჟებული და კლასიკურისგან განსხვავებით, დისტანციურად კონტროლდება. გარდა ნათურებისა, ჭკვიანი სისტემა ჩამონტაჟებულია თანამედროვე ჩამრთველებშიც, რომლებიც უკავშირდება სხვადასხვა ტექნოლოგიას და უკაბელო მართვის შესაძლებლობას იძლევა. „სმარტ“  მოწყობილობები თანამედროვე სამყაროს ინოვაციური მიგნებაა. Delight-ის შოურუმი კი ჭკვიანი ჩამრთველებისა და განათების ფართო არჩევანს გთავაზობთ.

ჩამრთველები და როზეტები, მიუხედავად მათი მცირე ზომისა, ინტერიერის ერთ-ერთ მნიშვნელოვან დეტალს წარმოადგენენ. დღეს ელექტროენერგიის გარეშე ცხოვრება წარმოუდგენელია, თანამედროვე ტექნოლოგიები გვიმარტივებს ცხოვრებას და ჩვენზე მორგებულს ხდის. მათი ფუნციონირებისთვის კი აუცილებელია ელექტრო წერტილები ხარისხიანი ჩამრთველებით იყოს უზრუნველყოფილი. გარდა ესთეტიკური მიმზიდველობისა, მნიშვნელოვანია როზეტის ხარისხისა და უსაფრთხოების გათვალისწინება. კლასიკური მოდელებისგან განსხვავებით, თანამედროვე გადამრთველები უზრუნველყოფილია მაღალი IP დაცვით, რაც მათ ხანგრძლივ გამოყენებას უწყობს ხელს. ასევე, გამარტივებულია მათი ინსტალაცია ნებისმიერ გარემოში. ჩამრთველები დიზაინის საბოლოო შტრიხია, რომელიც ინტერიერის სხვა დეტალებთან ერთად, ქმნის სასურველ კომპოზიციას. Delight-ის შოურუმი გთავაზობთ პრემიუმ ბრენდი JUNG-ის ჩამრთველებსა და როზეტებს, რომელიც გამოირჩევა მათი ორიგინალური დიზაინითა და ფუნქციური მრავალფეროვნებით.

დილაითის შოურუმმა განსხვავებული დიზაინის სანათებით უზრუნველყო კერძო სახლის პროექტი, რომლის კონცეფციაც და ინტერიერის დიზაინიც დავით ბურჭულაძეს ეკუთვნის. პროექტის შესახებ საცხოვრებელ სივრცეში კომფორტის შექმნა ყველაზე მნიშვნელოვანია, ამაში კი დიდი წვლილი განათებას უჭირავს. კერძო სახლის პროექტში გამოყენებულია ევროპული ბრენდების როგორც არქიტექტურული, ისე დეკორატიული სანათები. მინიმალისტური, მაგრამ თანამედროვე დიზაინის განათება ჰაეროვნად ერწყმის გარემოს და ქმნის ელეგანტურ, მყუდრო ატმოსფეროს. პროექტის ფარგლებში, არქიტექტურულ სპექტრში დამონტაჟებულია Faro-სა და Nordlux-ის სანათები. მისაღებში გამოყენებული Ideal Lux-ის რელსური განათება "Dynamite", კი Delight-ის ერთ-ერთ ნიშ ბრენდს წარმოადგენს. იტალიური ბრენდის "Ferroluce"-ს ხელნაკეთი სანათი PAU TUP, რომელიც დამზადებულია კერამიკისგან, სინათლეს არა მთლიან სივრცეში, არამედ მასში არსებულ კონკრეტულ ობიექტზე ანაწილებს. მისი პასტელური და ნაზი ფერები კი ჰარმონიულად ერწყმის სხვადასხვა დიზაინის ინტერიერს. Delight ყოველთვის მომხმარებლის ინტერესების შესაბამისად მოქმედებს და სთავაზობს განათებას, რომელიც ინტერიერში შეიტანს როგორც კლასიკურ, ასევე მოდერნისტულ შტრიხებს. გალერია

ზაფხულის მოახლოებასთან ერთად, ჩვენი სახლის გარე სივრცე მეტად იტვირთება სხვადასხვა აქტივობებით. რომანტიული ვახშამი, არაფორმალური თუ ფორმალური შეხვედრები ან უბრალოდ განმარტოება - ყველაფერს თავისი, განსაკუთრებული ატმოსფეროს შექმნა სჭირდება. სწორად შერჩეული განათება კი ამის ერთ-ერთი საწინდარია. იმისათვის, რომ მაქსიმალური კომფორტი შევიქმნათ, აუცილებელია ვიცოდეთ, თუ როგორ მოვაწყოთ და გავანათოთ ჩვენი გარე სივრცე. განათების შერჩევისას რეკომენდირებულია, ყურადღება გავამახვილოთ სინათლის სიმძლავრეზე, განათების კუთხესა და მდებარეობაზე, რომლის მიხედვითაც შევძლებთ ჩვენზე მორგებული სწორი სანათის არჩევას. გარდა ესთეტიკური მიმზიდველობისა, აუცილებლად გასათვალისწინებელია სანათების ფუნქციური მახასიათებლები. იქიდან გამომდინარე, თუ სად მონტაჟდება სანათი, უნდა ვიცოდეთ მისი IP დაცვის დონე, რომელიც გადაწვისა და ხანძრისგანაც კი დაგვიცავს. გარე განათების სწორი დაგეგმარებით მომხმარებელი იღებს უსაფრთხო გარემოს, აუმჯობესებს ღამით ხილვადობას და ამარტივებს გადაადგილებას. ეს ყოველივე ერთად ჰარმონიულად ერწყმის ერთმანეთს და სახლის სრულ ხასიათს წარმოაჩენს. Delight-ის გუნდი კი მუდამ მზადაა, თქვენთვის სასურველი სანათის არჩევაში დაგეხმაროთ.

JUNG 1912 წელს  დაარსდა გერმანიაში, ქალაქ Schalksmühle-ში, ალბრეხტ იუნგის მიერ. პროგრესი, ხარისხი და დიზაინი გახდა ინსპირაციის წყარო, რის მიხედვითაც შეიქმნა პირველი 1/8 ბრუნვის ჩამრთველი, რომლის დიზაინიც დღემდე აქტუალურია პროდუქტის შექმნისას. ბრენდი 112 წელია მყარად იცავს თავის ღირებულებებს, რომელიც თითოეულ ჩამრთველსა თუ როზეტში გამოიხატება. მათი ესთეტიკური დიზაინი კი საუკუნის შემდეგაც არ კარგავს აქტუალურობას. იუნგი სერტიფიცირებულია TUV Nord ის მიერ და გერმანიის ბაზრის 90% იკავებს დახვეწილი დიზაინი, მომრგვალებული კიდეებითა და ფერადი მატი შუშის ჩარჩოებით გამორჩეულს ხდის A VIVA -ს ხაზს JUNG-ის ჩამრთველები მრავალფეროვნებით გამოირჩევა, შესაბამისად, არც A VIVA არის გამონაკლისი და მომხმარებელს ორიგინალურობასა და ელეგანტურობას სთავაზობს. ის შეუფერხებლად ინტეგრირდება JUNG-ის ყველა A სერიაზე,  უნივერსალურ LED დიმერებსა და “ჭკვიანი“ სისტემის ღილაკებზე. A VIVA ასევე საშუალებას იძლევა „გრაფიკული ხელსაწყოს“ დახმარებით, ჩარჩოზე ამოიტვიფროს ან დაიბეჭდოს ინდივიდუალური სიმბოლო, ტექსტი და ლოგო. JUNG-ის ეს მოდელიც დაფუძნებულია მის მთავარ დევიზზე, შესაბამისად, A VIVA-ს ჰაეროვანი დიზაინი ელეგანტურ ტონებს მატებს ატმოსფეროს.

Mint - ახალი კაფე ქალაქის ცენტრში ბრანჩისა და საუზმის მრავალფეროვანი მენიუთი. სივრცე აერთიანებს თანამედროვეობასა და ვინტაჟურ დეტალებს. მასში გამოყენებულია დანიური ‘Nordlux’-ისა და იტალიური ‘Ideal Lux’-ის დეკორატიული სანათები, რომელიც ატმოსფეროს სიმყუდროვესა და ელეგანტურობას მატებს. Delight-ში პრემიუმ ბრენდის სანათების ფართო არჩევანია, რომელიც შესაძლებლობას მოგცემთ შეიტანოთ განსხვავებული ტონები თქვენს სივრცეში და შექმნათ ჰარმონიული გარემო. ჩვენი გუნდის წევრები კი მუდმივად მზად არიან დაგეხმარონ სანათების შერჩევაში

ვაკე პლაზა თანამედროვე არქიტექტურითა და ორიგინალური დიზაინით ამორჩეული საოფისე სივრცეა, რომელიც მომხმარებელს კომფორტული სამუშაოს შესაქმნელად არაერთ უპირატესობას სთავაზობს. იმისათვის, რომ შევქმნათ კეთილმოწყობილი გარემო, აუცილებელია დაიგეგმოს და სტანდარტების მიხედვით შესრულდეს როგორც შიდა, ასევე გარე განათების სივრცეების პროექტი. "ვაკე პლაზას" პროექტის ჭრილში, ჩვენი მხრიდან შესრულებული სამუშაოები მოიცავდა: ·       შიდა ოფისების პროექტირებასა და მონტაჟს ·       ძალოვანი ქსელების განაწილებას ·       უწყვეტი კვების წყაროს (UPS) ·       გამანაწილებელ ფარებს ·       ტექნიკურ, ავარიულ და საევაკუაციო განათებას ·       შენობის მართვის ცენტრალურ სისტემას ·       სახანძრო სიგნალიზაციას ·       საევაკუაციო გახმოვანებას ·       კომპიუტერულ ქსელს დილაითი აქტიურად არის ჩართული მასშტაბურ პროექტებში ტექნიკური განათების მიმართულებით და კომპანიებს სთავაზობს განათების პროექტების შედგენას, შერჩევასა და მიწოდებასა.

'Five mirrors'-ახლად გახსნილი ბარბერშოპია, სადაც პროფესიონალი კადრები, და დახვეწილი, მყუდრო გარემო დაგხვდებათ. ბარბერშოპი გამოირჩევა მოდერნისტული და ვინტაჟური დიზაინის სინთეზით, სივრცეში გამოყენებულია ევროპული პრემიუმ ბრენდების სანათები: დანიური 'Nordlux', ბერძნული 'Zambelis', იტალიური 'Ideal-lux', ასევე ‘Gtv’-ს არქიტექტურული სანათები, რომლებიც სივრცეს მეტად კომფორტულს ელეგანტურს ხდის. ჩვენთან დაგხვდებათ ნიშური ბრენდების სანათების ფართო არჩევანი, რომელიც თქვენს კომერციულს თუ საყოფაცხოვრებო სივრცეს გაალამაზებს, ჩვენი გუნდის წევრები კი დაგეხმარებიან თქვენს სურვილებსა და საჭიროებებზე მორგებული სანათების შერჩევაში.

Fisionarte-ს ისტორია იტალიის შუაგულში დაიწყო, სადაც იტალიური ხელოვნების საუკუნოვანი ტრადიციები თანამედროვე სამყაროს ხვდება. ეჭვგარეშეა, რომ ხელოვნების გავლენა იტალიური ბრენდის შემოქმედებაზეც აისახა, რასაც ბრენდის სახელშივე ("Atre") მარტივად ამოვიკითხავთ. რაში გამოიხატება Fisionarte-ს გამორჩეულობა და ხელოვნებასთან განსაკუთრებული კავშირი? - პასუხი სანათების დამზადების უნიკალური სპეციფიკაა, რომელსაც მარტივად განასხვავებთ ნებისმიერი მწარმოებლისგან. უფრო თვალსაჩინოდ ეს ყველაფერი დეკორატიული სანათების Luce-ს და Attimo-ს მაგალითზეც შეგვიძლია დავინახოთ. Luce ალბათ იშვიათად თუ შეხვდებით ბრენდს, რომელიც სანათის დამზადებისას მეტალის ქსოვის ტექნიკას იყენებს. Luce ერთ-ერთი გამორჩეული მოდელია, რომელზე მუშაობაც დიდ დროს, ენთუზიაზმსა და საქმის სიყვარულს მოითხოვს. სანათის მავთულით ნაქსოვმა სტრუქტურამ, რომელშიც ნათურა არის მოთავსებული, რთულია შთაბეჭდილებების გარეშე დაგტოვოთ. Luce-ს თითოეული დეტალი გარკვეულ ისტორიას და ემოციას ატარებს. Fisionarte-ს ერთ-ერთი დევიზიც სწორედ ამას გვეუბნება - "Made with emotions". Attimo "Blown glass" დიზაინი საკმაოდ გავრცელებულია თანამედროვე სანათებში, თუმცა Fisionarte-მ ეს სტილი სხვა ჭრილში წარმოუდგინა მომხმარებელს. დეკორატიული სანათი - Attimo-ს დამზადების პროცესი გამორჩეული, ხოლო საბოლოო შედეგი - განსაკუთრებით შთამბეჭდავია. მინის სტრუქტურა, რომელიც მეტალის გალიაში არის მოთავსებული Attimo-ს უნიკალურ ვიზუალს სძენს. შედეგად Fisionarte ქმნის სანათს, გამორჩეულ დეკორატიულ ელფერს შესძენს ნებისმიერ სივრცეს. Attimo იტალიურ ენაზე მომენტს ნიშნავს. ამ კონკრეტულ შემთხვევაში - მომენტს, როცა იდეა და ხედვა რეალობად იქცევა.

წერტილოვანი განათება ერთ-ერთი მნიშვნელოვანი მიმართულებაა, რომელიც ფართოდ გამოიყენება ინტერიერის დიზაინში. წერტილოვანი განათება ხასიათდება კონკრეტულ სივრცეზე, ან მასში არსებული ობიექტების აქცენტირებული განათებით, რაც საშუალებას გვაძლევს სივრცისგან გამოვყოთ და ადამიანების ყურადღება მივაპყროთ კონკრეტულ ელემენტებს. იმის მიხედვით, თუ რა შედეგის მიღება გვსურს, წერტილოვანი განათება სხვადასხვა მიზნით შეგვიძლია გამოვიყენოთ: ხაზგასმა და ყურადღების მიპყრობა: როგორც აღვნიშნეთ, წერტილოვანი განათების მთავარი ფუნქცია კონკრეტულ ელემენტებზე ყურადღების მიმართვაა. წერტილოვანი განათება საშუალებას იძლევა ადამიანის თვალს უკარნახოს თუ საით მიაპყროს მზერა, შესაბამისად შეგვიძლია დავრწმუნდეთ, რომ ჩვენთვის სასურველი ელემენტები შეუმჩნეველი არ დარჩება. ვიზუალური იერარქია: სივრცის აღქმისას მნიშვნელოვანია ყურადღება მივაქციოთ განათების დონეებს. წერტილოვანი განათების მეშვეობით შეგვიძლია საკვანძო ელემენტები მკაფიოდ გამოვყოთ სივრცეში, ნაკლებად მნიშვნელოვან ელემენტზე კი შედარებით მსუბუქი აქცენტი გავაკეთოთ. ეს ყველაფერი განათების გარკვეულ იერარქიას ქმნის, რის შედეგადაც ერთი შეხედვით თვალსაჩინოა რა შტრიხები არის მნიშვნელოვანი ინტერიერსა თუ ექსტერიერში. დეკორატიული შტრიხები: გარდა ობიექტების აქცენტირებულად გამოკვეთისა, წერტილოვანი განათება მნიშვნელოვან როლს თამაშობს სივრცის დეკორატიული შტრიხებით გაფორმაში. განსაკუთრებით მნიშვნელოვანია სინათლისა და ჩრდილების კომბინაცია, რომელსაც მიმართული განათების შედეგად ვიღებთ. ჩრდილი ინტერიერის დიზაინის უმნიშვნელოვანესი კომპონენტია, შესაბამისად წერტილოვანი განათება საშუალებას გვაძლევს ეს კონკრეტული ასპექტიც არ დარჩეს ყურადღების გარეშე. მაშ ასე, უკვე იცით თუ რამდენად მნიშვნელოვანი როლი უჭირავს წერტილოვან განათებას. ასე რომ, დროა შეარჩიოთ მოდელი რომელიც ეფექტური და სასიამოვნო განათების შექმნაში დაგეხმარებათ.

მარაკეში მაროკოს შუაგულში მდებარე ქალაქია, რომელიც მდიდარი კულტურითა და გამორჩეული არქიტექტურით მუდმივად იწვევს ვიზიტორების გაოცებას. დღევანდელ ბლოგში ვისაუბრებთ ფრანგული ბრენდის - Market Set-ის სანათების კოლექციაზე, რომელიც სწორედ ქალაქ მარაკეშის ინსპირაციით შეიქმნა. გარემოს გავლენა დიზაინზე ქალაქი მაროკოს ერთ-ერთი კულტურული ცენტრია, სადაც ტრადიციები და თანამედროვეობა ჰარმონიულად თანაარსებობს. მისი არქიტექტურა, ფერები და გეომეტრიული ფორმები დღესაც მნიშვნელოვან გავლენას ახდენს დიზაინის ტრენდებზე. ფრანგულმა ბრენდმა ინსპირაციის წყაროდ სწორედ ეს სპეციფიკური ელემენტები გამოიყენა და შექმნა კოლექცია - “Marrakech”, რომლის მთავარი მიზანიც ინტერიერში სასიამოვნო განათების და აფრიკული კულტურისთვის დამახასიათებელი მრავალფეროვნების შეტანაა. Market Set-ის დასაკიდი სანათები იდეალურად გადმოსცემს როგორც მაროკოული ქალაქის ხასიათს, ტრადიციული ელემენტებისა და თანამედროვეობის სინთეზს. მათ შორის მნიშვნელოვანია გამოვყოთ რამდენიმე დეტალი: მასალა მარაკეშის ქუჩების ერთ-ერთი განმასხვავებელი ნიშანი არის დახლები, რომლებზეც უამრავი სახის ქსოვილია გამოფენილი. შესაბამისად, ერთ-ერთი მთავარი ელემენტი რაც Market Set-მა ქალაქისგან ინსპირაციად აიღო არის მასალა. დასაკიდი სანათი მსუბუქი და ხავერდოვანი ტილოთია დაფარული, რაც გარდა იმისა, რომ უშუალოდ სანათს ხდის ვიზუალურად ეფექტურს, განათებასაც უნიკალურ სახეს აძლევს. ფერები მაროკოული ქალაქი განსაკუთრებული ფერების სიმრავლით გამოირჩევა. ეს დეტალი რა თქმა უნდა Market Set-ის კოლექციაშიც შესამჩნევია, სადაც სანათები თბილი, დადებითი ენერგიით სავსე ფერებით არის წარმოდგენილი: მწვანე, წითელი, ოქროსფერი, ყვითელი. ფერების ეს კომბინაცია არა მარტო ესთეტიური თვალსაზრისით არის მიმზიდველი, არამედ მათი შერწყმით, სივრცეში თბილი და დადებითი ატმოსფეროს გაღვივებაა შესაძლებელი. დიზაინი მოდელის დიზაინი ინსპირირებულია ძველი, ტრადიციული მაროკოული სანათის ფორმებით. დახვეწილი, ესთეტიური მოყვანილობა იდეალურად ერგება როგორც საცხოვრებელ, ასევე კომერციული ტიპის სივრცეებს. ატმოსფერო თბილი და სასიამოვნო განათება, რომლითაც მოდელი გამოირჩევა ეფექტურია ინტერიერში კომფორტული ატმოსფეროს შექმნისთვის. Market Set-ის სანათი საშუალებას გაძლევთ მშვიდი და მყუდრო განათებით გააფორმოთ როგორც მისაღები, ასევე საძინებელი, სასადილო და სხვა ოთახები. ხელნაკეთი სანათი იმისათვის, რომ თითოეული მოდელის გამორჩეულობა და ხარისხი გარანტირებული იყოს, Market Set-ის სანათები - და მათ შორის “Marrakech”-იც, მზადდება ოსტატის ხელით, სადაც მცირე დეტალებს განსაკუთრებული ყურადღება ექცევა. სწორედ ამიტომ, ფრანგული ბრენდის თითოეული სანათი უნიკალურია და დახვეწილ დიზაინთან მაღალი ხარისხითაც გამოირჩევა. სპეციფიკური მასალების, ფერების სიმრავლის და დახვეწილი დიზაინის წყალობით, ხელნაკეთი დეკორატიული სანათი იდეალური არჩევანია ნებისმიერი ინტერიერისთვის. ეს მოდელი არა უბრალოდ სანათი, არამედ ხელოვნების ნიმუშია, რომელიც მარაკეშის კულტურას, ქუჩებსა და ატმოსფეროს სახლის ინტერიერში აცოცხლებს.

განათება მნიშვნელოვან გავლენას ახდენს ადამიანის განწყობაზე. სწორედ ამიტომ, სასტუმროები, რესტორნები და კაფე-ბარები განსაკუთრებულ ყურადღებას აქცევენ სასიამოვნო განათების შექმნას, როგორც შიდა, ასევე გარე სივრცეებში. გაზრდილი მოთხოვნიდან გამომდინარე, დღესდღეობით არაერთი ცნობილი ბრენდი - მათ შორის ჩვენი ექსკლუზიური პარტნიორი - Zafferano, ქმნის კონკრეტულად ჰორეკა სექტორზე გათვლილ სანათების კოლექციებს. იტალიური პრემიუმ ბრენდის კატალოგში შეხვდებით გარე სივრცისთვის განკუთვნილ მაგიდის პორტატულ განათებას, რომლის დიზაინი და ფუნქციური მახასიათებლები ორიენტირებულია მყუდრო, და სასიამოვნო განათების შექმნაზე. რატომ Zafferano? პირველ რიგში, მნიშვნელოვანია აღვნიშნოთ კომპაქტურობა - სანათების განაწილებისას სივრცის ნაკლებობა ხშირი პრობლემაა. Zafferano-ს პორტატული სანათების ზომა და ფორმა საშულებას იძლევა მოდელები მარტივად გადაადგილოთ და განვათავსოთ სხვადასხვა წერტილებში ისე, რომ არ ავითვისოს დიდი სივრცე. სასიამოვნო განათება - იტალიური ბრენდის მოდელებზე მუშაობისას განსაკუთრებული ყურადღება ექცევა ნათების ტემპერატურას, ინტენსივობას, სინათლის გაშლის კუთხეს და სხვა ტექნიკურ მახასიათებლებს - შესაბამისად, იტალიური ბრენდის სანათები გამოირჩევა ხარისხიანი და კომფორტული განათებით. Zafferano-ს პორტატული სანათების პრაქტიკული და მარტივი ფუქნციონალიდან გამომდინარე Poldina, Reverso, Pina განსაკუთრებულად მზარდი პოპულარობით სარგებლობს, რადგან მოდელებს შეუძლიათ 10-12 საათის განმავლობაში შეგიქმნათ სასიამოვნო განათება. იტალიური ბრენდის ერთ-ერთი მთავარი უპირატესობა 6 კონტაქტიანი „ხალიჩაა“, რომელიც ერთდროულად 6 სანათის დამუხტვის საშუალებას იძლევა. აქედან გამომდინარე პროდუქტი განსაკუთრებით მოსახერხებელია კაფე-ბარებისა და სარესტორნო სივრცეებისთვის. ასევე, შესაძლებელია 3 „ხალიჩის“ პარალელურად დაერთება, რაც კონტაქტების რაოდენობას 18-მდე ზრდის. მიუხედავად იმისა, რომ Zafferano-ს პორტატული სანათები იდეალურად ერგება კაფე-ბარების განათებისთვის საჭირო სტანდარტებს, ისინი არანაკლებ ეფექტურია კერძო სახლის ინტერიერის, ტერასებისა და ეზოების განათებისთვის. ასე რომ, დროა შეარჩიოთ თქვენთვის სასურველი მოდელები ჩვენი კოლექციიდან.