განათება შუქ-ჩრდილის „თამაშია“, რომელიც ინტერიერსა თუ ექსტერიერში არსებულ დეტალებს გამოკვეთს, ქმნის უსაფრთხო გარემოს და გვეხმარება უკეთ აღვიქვათ საგნების ტექსტურა, ფორმა თუ ფერი.
შიდა და გარე სივრცის სანათების არჩევისას ყურადღება სხვადასხვა მახასიათებელზე უნდა გავამახვილოთ. მნიშვნელოვანია ვიცოდეთ, თუ როგორი ატმოსფეროს შექმნა გვსურს სივრცეში და შესაბამისად შევარჩიოთ განათებაც. სანათის ვიზუალი, სინათლის გავრცელების კუთხე და ტემპარატურა დაგვეხმარება გარემოში ჩვენთვის სასურველი დიზაინის შექმნაში.
ინტერიერის გასანათებლად, ასევე მნიშვნელოვანია გავითვალისწინოთ სინათლის „დონეები“ - ძირითადი, ფუნქციური და აქცენტური განათება, რომელიც ერთმანეთს ერწყმის და საბოლოოდ, სივრცეში ქმნის ესთეტიკურ და სასიამოვნო ატმოსფეროს.
რაც შეეხება ექსტერიერის განათებას, ამ შემთხვევაში მნიშვნელოვანია, დიზაინთან ერთად, ფუნქციური მახასიათებლებიც გავითვალისწინოთ.
გარე სივრცისთვის განკუთვნილმა განათებამ ყურადღება უნდა გაამახვილოს არქიტექტურაზე, შექმნას უსაფრთხო გარემო და გააუმჯობესოს ღამით ხილვადობა. თანამედროვე სანათების უმეტესობა სენსორულია და მზის ენერგიაზე მუშაობს, რაც მათ ენერგოეფექტურს და ეკო-მეგობრულს ხდის. ექსტერიერის განათებამ უნდა გაუძლოს ნებიმიერ ამინდს, შესაბამისად სანათის შერჩევისას, მნიშვნელოვანია IP დაცვის დონის განსაზღვრა, რომელიც მიუთებს თუ რამდენად მდგრადია ტენიანობის, წყლისა და მტვრის ნაწილაკების მიმართ.
თანამედროვე ცხოვრებაში, დეკორატიულმა განათებამ მეტი დატვირთვა შეიძინა და შიდა თუ გარე სივრცის განუყოფელ ნაწილად იქცა. დიზაინერებიც „გვანებივრებენ“ სხვადასხვა ტექსტურის, ფერის თუ ფორმის სანათებით, რომელიც მორგებულია თითოეული ადამიანის გემოვნებაზე.
ჰაეროვანი, ბუნებრივი მასალისგან დამზადებული, ხელნაკეთი თუ ქარხნული - ეს ის მცირე ჩამონათვალია, რასაც „დილაითის“ შოურუმი გთავაზობთ.
Delight-ის შოურუმში წარმოდგენილია ჩვენი პარტნიორი ბრენდების ექსკლუზიური მოდელები, რომლებიც ინტერიერსა თუ ექსტერიერში შეგიქმნით მშვიდ და სასიამოვნო გარემოს.
Comments