ზაფხულის მოახლოებასთან ერთად, ჩვენი სახლის გარე სივრცე მეტად იტვირთება სხვადასხვა აქტივობებით. რომანტიული ვახშამი, არაფორმალური თუ ფორმალური შეხვედრები ან უბრალოდ განმარტოება - ყველაფერს თავისი, განსაკუთრებული ატმოსფეროს შექმნა სჭირდება. სწორად შერჩეული განათება კი ამის ერთ-ერთი საწინდარია. იმისათვის, რომ მაქსიმალური კომფორტი შევიქმნათ, აუცილებელია ვიცოდეთ, თუ როგორ მოვაწყოთ და გავანათოთ ჩვენი გარე სივრცე. განათების შერჩევისას რეკომენდირებულია, ყურადღება გავამახვილოთ სინათლის სიმძლავრეზე, განათების კუთხესა და მდებარეობაზე, რომლის მიხედვითაც შევძლებთ ჩვენზე მორგებული სწორი სანათის არჩევას. გარდა ესთეტიკური მიმზიდველობისა, აუცილებლად გასათვალისწინებელია სანათების ფუნქციური მახასიათებლები. იქიდან გამომდინარე, თუ სად მონტაჟდება სანათი, უნდა ვიცოდეთ მისი IP დაცვის დონე, რომელიც გადაწვისა და ხანძრისგანაც კი დაგვიცავს. გარე განათების სწორი დაგეგმარებით მომხმარებელი იღებს უსაფრთხო გარემოს, აუმჯობესებს ღამით ხილვადობას და ამარტივებს გადაადგილებას. ეს ყოველივე ერთად ჰარმონიულად ერწყმის ერთმანეთს და სახლის სრულ ხასიათს წარმოაჩენს. Delight-ის გუნდი კი მუდამ მზადაა, თქვენთვის სასურველი სანათის არჩევაში დაგეხმაროთ.

JUNG 1912 წელს  დაარსდა გერმანიაში, ქალაქ Schalksmühle-ში, ალბრეხტ იუნგის მიერ. პროგრესი, ხარისხი და დიზაინი გახდა ინსპირაციის წყარო, რის მიხედვითაც შეიქმნა პირველი 1/8 ბრუნვის ჩამრთველი, რომლის დიზაინიც დღემდე აქტუალურია პროდუქტის შექმნისას. ბრენდი 112 წელია მყარად იცავს თავის ღირებულებებს, რომელიც თითოეულ ჩამრთველსა თუ როზეტში გამოიხატება. მათი ესთეტიკური დიზაინი კი საუკუნის შემდეგაც არ კარგავს აქტუალურობას. იუნგი სერტიფიცირებულია TUV Nord ის მიერ და გერმანიის ბაზრის 90% იკავებს დახვეწილი დიზაინი, მომრგვალებული კიდეებითა და ფერადი მატი შუშის ჩარჩოებით გამორჩეულს ხდის A VIVA -ს ხაზს JUNG-ის ჩამრთველები მრავალფეროვნებით გამოირჩევა, შესაბამისად, არც A VIVA არის გამონაკლისი და მომხმარებელს ორიგინალურობასა და ელეგანტურობას სთავაზობს. ის შეუფერხებლად ინტეგრირდება JUNG-ის ყველა A სერიაზე,  უნივერსალურ LED დიმერებსა და “ჭკვიანი“ სისტემის ღილაკებზე. A VIVA ასევე საშუალებას იძლევა „გრაფიკული ხელსაწყოს“ დახმარებით, ჩარჩოზე ამოიტვიფროს ან დაიბეჭდოს ინდივიდუალური სიმბოლო, ტექსტი და ლოგო. JUNG-ის ეს მოდელიც დაფუძნებულია მის მთავარ დევიზზე, შესაბამისად, A VIVA-ს ჰაეროვანი დიზაინი ელეგანტურ ტონებს მატებს ატმოსფეროს.

Mint - ახალი კაფე ქალაქის ცენტრში ბრანჩისა და საუზმის მრავალფეროვანი მენიუთი. სივრცე აერთიანებს თანამედროვეობასა და ვინტაჟურ დეტალებს. მასში გამოყენებულია დანიური ‘Nordlux’-ისა და იტალიური ‘Ideal Lux’-ის დეკორატიული სანათები, რომელიც ატმოსფეროს სიმყუდროვესა და ელეგანტურობას მატებს. Delight-ში პრემიუმ ბრენდის სანათების ფართო არჩევანია, რომელიც შესაძლებლობას მოგცემთ შეიტანოთ განსხვავებული ტონები თქვენს სივრცეში და შექმნათ ჰარმონიული გარემო. ჩვენი გუნდის წევრები კი მუდმივად მზად არიან დაგეხმარონ სანათების შერჩევაში

ვაკე პლაზა თანამედროვე არქიტექტურითა და ორიგინალური დიზაინით ამორჩეული საოფისე სივრცეა, რომელიც მომხმარებელს კომფორტული სამუშაოს შესაქმნელად არაერთ უპირატესობას სთავაზობს. იმისათვის, რომ შევქმნათ კეთილმოწყობილი გარემო, აუცილებელია დაიგეგმოს და სტანდარტების მიხედვით შესრულდეს როგორც შიდა, ასევე გარე განათების სივრცეების პროექტი. "ვაკე პლაზას" პროექტის ჭრილში, ჩვენი მხრიდან შესრულებული სამუშაოები მოიცავდა: ·       შიდა ოფისების პროექტირებასა და მონტაჟს ·       ძალოვანი ქსელების განაწილებას ·       უწყვეტი კვების წყაროს (UPS) ·       გამანაწილებელ ფარებს ·       ტექნიკურ, ავარიულ და საევაკუაციო განათებას ·       შენობის მართვის ცენტრალურ სისტემას ·       სახანძრო სიგნალიზაციას ·       საევაკუაციო გახმოვანებას ·       კომპიუტერულ ქსელს დილაითი აქტიურად არის ჩართული მასშტაბურ პროექტებში ტექნიკური განათების მიმართულებით და კომპანიებს სთავაზობს განათების პროექტების შედგენას, შერჩევასა და მიწოდებასა.

'Five mirrors'-ახლად გახსნილი ბარბერშოპია, სადაც პროფესიონალი კადრები, და დახვეწილი, მყუდრო გარემო დაგხვდებათ. ბარბერშოპი გამოირჩევა მოდერნისტული და ვინტაჟური დიზაინის სინთეზით, სივრცეში გამოყენებულია ევროპული პრემიუმ ბრენდების სანათები: დანიური 'Nordlux', ბერძნული 'Zambelis', იტალიური 'Ideal-lux', ასევე ‘Gtv’-ს არქიტექტურული სანათები, რომლებიც სივრცეს მეტად კომფორტულს ელეგანტურს ხდის. ჩვენთან დაგხვდებათ ნიშური ბრენდების სანათების ფართო არჩევანი, რომელიც თქვენს კომერციულს თუ საყოფაცხოვრებო სივრცეს გაალამაზებს, ჩვენი გუნდის წევრები კი დაგეხმარებიან თქვენს სურვილებსა და საჭიროებებზე მორგებული სანათების შერჩევაში.

Fisionarte-ს ისტორია იტალიის შუაგულში დაიწყო, სადაც იტალიური ხელოვნების საუკუნოვანი ტრადიციები თანამედროვე სამყაროს ხვდება. ეჭვგარეშეა, რომ ხელოვნების გავლენა იტალიური ბრენდის შემოქმედებაზეც აისახა, რასაც ბრენდის სახელშივე ("Atre") მარტივად ამოვიკითხავთ. რაში გამოიხატება Fisionarte-ს გამორჩეულობა და ხელოვნებასთან განსაკუთრებული კავშირი? - პასუხი სანათების დამზადების უნიკალური სპეციფიკაა, რომელსაც მარტივად განასხვავებთ ნებისმიერი მწარმოებლისგან. უფრო თვალსაჩინოდ ეს ყველაფერი დეკორატიული სანათების Luce-ს და Attimo-ს მაგალითზეც შეგვიძლია დავინახოთ. Luce ალბათ იშვიათად თუ შეხვდებით ბრენდს, რომელიც სანათის დამზადებისას მეტალის ქსოვის ტექნიკას იყენებს. Luce ერთ-ერთი გამორჩეული მოდელია, რომელზე მუშაობაც დიდ დროს, ენთუზიაზმსა და საქმის სიყვარულს მოითხოვს. სანათის მავთულით ნაქსოვმა სტრუქტურამ, რომელშიც ნათურა არის მოთავსებული, რთულია შთაბეჭდილებების გარეშე დაგტოვოთ. Luce-ს თითოეული დეტალი გარკვეულ ისტორიას და ემოციას ატარებს. Fisionarte-ს ერთ-ერთი დევიზიც სწორედ ამას გვეუბნება - "Made with emotions". Attimo "Blown glass" დიზაინი საკმაოდ გავრცელებულია თანამედროვე სანათებში, თუმცა Fisionarte-მ ეს სტილი სხვა ჭრილში წარმოუდგინა მომხმარებელს. დეკორატიული სანათი - Attimo-ს დამზადების პროცესი გამორჩეული, ხოლო საბოლოო შედეგი - განსაკუთრებით შთამბეჭდავია. მინის სტრუქტურა, რომელიც მეტალის გალიაში არის მოთავსებული Attimo-ს უნიკალურ ვიზუალს სძენს. შედეგად Fisionarte ქმნის სანათს, გამორჩეულ დეკორატიულ ელფერს შესძენს ნებისმიერ სივრცეს. Attimo იტალიურ ენაზე მომენტს ნიშნავს. ამ კონკრეტულ შემთხვევაში - მომენტს, როცა იდეა და ხედვა რეალობად იქცევა.

წერტილოვანი განათება ერთ-ერთი მნიშვნელოვანი მიმართულებაა, რომელიც ფართოდ გამოიყენება ინტერიერის დიზაინში. წერტილოვანი განათება ხასიათდება კონკრეტულ სივრცეზე, ან მასში არსებული ობიექტების აქცენტირებული განათებით, რაც საშუალებას გვაძლევს სივრცისგან გამოვყოთ და ადამიანების ყურადღება მივაპყროთ კონკრეტულ ელემენტებს. იმის მიხედვით, თუ რა შედეგის მიღება გვსურს, წერტილოვანი განათება სხვადასხვა მიზნით შეგვიძლია გამოვიყენოთ: ხაზგასმა და ყურადღების მიპყრობა: როგორც აღვნიშნეთ, წერტილოვანი განათების მთავარი ფუნქცია კონკრეტულ ელემენტებზე ყურადღების მიმართვაა. წერტილოვანი განათება საშუალებას იძლევა ადამიანის თვალს უკარნახოს თუ საით მიაპყროს მზერა, შესაბამისად შეგვიძლია დავრწმუნდეთ, რომ ჩვენთვის სასურველი ელემენტები შეუმჩნეველი არ დარჩება. ვიზუალური იერარქია: სივრცის აღქმისას მნიშვნელოვანია ყურადღება მივაქციოთ განათების დონეებს. წერტილოვანი განათების მეშვეობით შეგვიძლია საკვანძო ელემენტები მკაფიოდ გამოვყოთ სივრცეში, ნაკლებად მნიშვნელოვან ელემენტზე კი შედარებით მსუბუქი აქცენტი გავაკეთოთ. ეს ყველაფერი განათების გარკვეულ იერარქიას ქმნის, რის შედეგადაც ერთი შეხედვით თვალსაჩინოა რა შტრიხები არის მნიშვნელოვანი ინტერიერსა თუ ექსტერიერში. დეკორატიული შტრიხები: გარდა ობიექტების აქცენტირებულად გამოკვეთისა, წერტილოვანი განათება მნიშვნელოვან როლს თამაშობს სივრცის დეკორატიული შტრიხებით გაფორმაში. განსაკუთრებით მნიშვნელოვანია სინათლისა და ჩრდილების კომბინაცია, რომელსაც მიმართული განათების შედეგად ვიღებთ. ჩრდილი ინტერიერის დიზაინის უმნიშვნელოვანესი კომპონენტია, შესაბამისად წერტილოვანი განათება საშუალებას გვაძლევს ეს კონკრეტული ასპექტიც არ დარჩეს ყურადღების გარეშე. მაშ ასე, უკვე იცით თუ რამდენად მნიშვნელოვანი როლი უჭირავს წერტილოვან განათებას. ასე რომ, დროა შეარჩიოთ მოდელი რომელიც ეფექტური და სასიამოვნო განათების შექმნაში დაგეხმარებათ.

მარაკეში მაროკოს შუაგულში მდებარე ქალაქია, რომელიც მდიდარი კულტურითა და გამორჩეული არქიტექტურით მუდმივად იწვევს ვიზიტორების გაოცებას. დღევანდელ ბლოგში ვისაუბრებთ ფრანგული ბრენდის - Market Set-ის სანათების კოლექციაზე, რომელიც სწორედ ქალაქ მარაკეშის ინსპირაციით შეიქმნა. გარემოს გავლენა დიზაინზე ქალაქი მაროკოს ერთ-ერთი კულტურული ცენტრია, სადაც ტრადიციები და თანამედროვეობა ჰარმონიულად თანაარსებობს. მისი არქიტექტურა, ფერები და გეომეტრიული ფორმები დღესაც მნიშვნელოვან გავლენას ახდენს დიზაინის ტრენდებზე. ფრანგულმა ბრენდმა ინსპირაციის წყაროდ სწორედ ეს სპეციფიკური ელემენტები გამოიყენა და შექმნა კოლექცია - “Marrakech”, რომლის მთავარი მიზანიც ინტერიერში სასიამოვნო განათების და აფრიკული კულტურისთვის დამახასიათებელი მრავალფეროვნების შეტანაა. Market Set-ის დასაკიდი სანათები იდეალურად გადმოსცემს როგორც მაროკოული ქალაქის ხასიათს, ტრადიციული ელემენტებისა და თანამედროვეობის სინთეზს. მათ შორის მნიშვნელოვანია გამოვყოთ რამდენიმე დეტალი: მასალა მარაკეშის ქუჩების ერთ-ერთი განმასხვავებელი ნიშანი არის დახლები, რომლებზეც უამრავი სახის ქსოვილია გამოფენილი. შესაბამისად, ერთ-ერთი მთავარი ელემენტი რაც Market Set-მა ქალაქისგან ინსპირაციად აიღო არის მასალა. დასაკიდი სანათი მსუბუქი და ხავერდოვანი ტილოთია დაფარული, რაც გარდა იმისა, რომ უშუალოდ სანათს ხდის ვიზუალურად ეფექტურს, განათებასაც უნიკალურ სახეს აძლევს. ფერები მაროკოული ქალაქი განსაკუთრებული ფერების სიმრავლით გამოირჩევა. ეს დეტალი რა თქმა უნდა Market Set-ის კოლექციაშიც შესამჩნევია, სადაც სანათები თბილი, დადებითი ენერგიით სავსე ფერებით არის წარმოდგენილი: მწვანე, წითელი, ოქროსფერი, ყვითელი. ფერების ეს კომბინაცია არა მარტო ესთეტიური თვალსაზრისით არის მიმზიდველი, არამედ მათი შერწყმით, სივრცეში თბილი და დადებითი ატმოსფეროს გაღვივებაა შესაძლებელი. დიზაინი მოდელის დიზაინი ინსპირირებულია ძველი, ტრადიციული მაროკოული სანათის ფორმებით. დახვეწილი, ესთეტიური მოყვანილობა იდეალურად ერგება როგორც საცხოვრებელ, ასევე კომერციული ტიპის სივრცეებს. ატმოსფერო თბილი და სასიამოვნო განათება, რომლითაც მოდელი გამოირჩევა ეფექტურია ინტერიერში კომფორტული ატმოსფეროს შექმნისთვის. Market Set-ის სანათი საშუალებას გაძლევთ მშვიდი და მყუდრო განათებით გააფორმოთ როგორც მისაღები, ასევე საძინებელი, სასადილო და სხვა ოთახები. ხელნაკეთი სანათი იმისათვის, რომ თითოეული მოდელის გამორჩეულობა და ხარისხი გარანტირებული იყოს, Market Set-ის სანათები - და მათ შორის “Marrakech”-იც, მზადდება ოსტატის ხელით, სადაც მცირე დეტალებს განსაკუთრებული ყურადღება ექცევა. სწორედ ამიტომ, ფრანგული ბრენდის თითოეული სანათი უნიკალურია და დახვეწილ დიზაინთან მაღალი ხარისხითაც გამოირჩევა. სპეციფიკური მასალების, ფერების სიმრავლის და დახვეწილი დიზაინის წყალობით, ხელნაკეთი დეკორატიული სანათი იდეალური არჩევანია ნებისმიერი ინტერიერისთვის. ეს მოდელი არა უბრალოდ სანათი, არამედ ხელოვნების ნიმუშია, რომელიც მარაკეშის კულტურას, ქუჩებსა და ატმოსფეროს სახლის ინტერიერში აცოცხლებს.

განათება მნიშვნელოვან გავლენას ახდენს ადამიანის განწყობაზე. სწორედ ამიტომ, სასტუმროები, რესტორნები და კაფე-ბარები განსაკუთრებულ ყურადღებას აქცევენ სასიამოვნო განათების შექმნას, როგორც შიდა, ასევე გარე სივრცეებში. გაზრდილი მოთხოვნიდან გამომდინარე, დღესდღეობით არაერთი ცნობილი ბრენდი - მათ შორის ჩვენი ექსკლუზიური პარტნიორი - Zafferano, ქმნის კონკრეტულად ჰორეკა სექტორზე გათვლილ სანათების კოლექციებს. იტალიური პრემიუმ ბრენდის კატალოგში შეხვდებით გარე სივრცისთვის განკუთვნილ მაგიდის პორტატულ განათებას, რომლის დიზაინი და ფუნქციური მახასიათებლები ორიენტირებულია მყუდრო, და სასიამოვნო განათების შექმნაზე. რატომ Zafferano? პირველ რიგში, მნიშვნელოვანია აღვნიშნოთ კომპაქტურობა - სანათების განაწილებისას სივრცის ნაკლებობა ხშირი პრობლემაა. Zafferano-ს პორტატული სანათების ზომა და ფორმა საშულებას იძლევა მოდელები მარტივად გადაადგილოთ და განვათავსოთ სხვადასხვა წერტილებში ისე, რომ არ ავითვისოს დიდი სივრცე. სასიამოვნო განათება - იტალიური ბრენდის მოდელებზე მუშაობისას განსაკუთრებული ყურადღება ექცევა ნათების ტემპერატურას, ინტენსივობას, სინათლის გაშლის კუთხეს და სხვა ტექნიკურ მახასიათებლებს - შესაბამისად, იტალიური ბრენდის სანათები გამოირჩევა ხარისხიანი და კომფორტული განათებით. Zafferano-ს პორტატული სანათების პრაქტიკული და მარტივი ფუქნციონალიდან გამომდინარე Poldina, Reverso, Pina განსაკუთრებულად მზარდი პოპულარობით სარგებლობს, რადგან მოდელებს შეუძლიათ 10-12 საათის განმავლობაში შეგიქმნათ სასიამოვნო განათება. იტალიური ბრენდის ერთ-ერთი მთავარი უპირატესობა 6 კონტაქტიანი „ხალიჩაა“, რომელიც ერთდროულად 6 სანათის დამუხტვის საშუალებას იძლევა. აქედან გამომდინარე პროდუქტი განსაკუთრებით მოსახერხებელია კაფე-ბარებისა და სარესტორნო სივრცეებისთვის. ასევე, შესაძლებელია 3 „ხალიჩის“ პარალელურად დაერთება, რაც კონტაქტების რაოდენობას 18-მდე ზრდის. მიუხედავად იმისა, რომ Zafferano-ს პორტატული სანათები იდეალურად ერგება კაფე-ბარების განათებისთვის საჭირო სტანდარტებს, ისინი არანაკლებ ეფექტურია კერძო სახლის ინტერიერის, ტერასებისა და ეზოების განათებისთვის. ასე რომ, დროა შეარჩიოთ თქვენთვის სასურველი მოდელები ჩვენი კოლექციიდან.

Jung-ი 1912 წელს - Albrecht Jung-ის მიერ დაარსდა. ბრენდის პროდუქცია მთელი მსოფლიოს მასშტაბით არის გავრცელებული, რაც მოიცავს პრემიუმ ხარისხის, ექსკლუზიურ ჩამრთველებსა და როზეტებს. ხარისხსა და დიზაინთან ერთად, Jung-ი განსაკუთრებულ ყურადღებას ამახვილებს ფერების მრავალფეროვნებასა და ურთიერთშეხამებაზე, სწორედ ამიტომ, Jung-ის კოლექციებში გამოყენებულია შვედი არქიტექტორის - Le Corbusier-ის 63 უნიკალური ფერისგან შემდგარი სისტემა. Le Corbusier მე-20 საუკუნის ერთ-ერთი გამორჩეული არქიტექტორია, რომელმაც არაერთი მნიშვნელოვანი არქიტექტურული ნამუშევარი აჩუქა მსოფლიოს. მის ნაშრომებში ფერების ჰარმონიულ თანაარსებობას ისეთივე მნიშვნელოვანი დატვირთვა ჰქონდა, როგორც სიმეტრიებსა და სივრცეში ობიექტების განლაგებას. Le Corbusier-ის უნიკალური, 63 ფერით დაკომპლექტებული სისტემა ორ ნაწილად გამოქვეყნდა. სერია 1931 წელს შეიქმნა, ხოლო 1959 წელს განახლდა და გაფართოვდა, რის შედეგადაც Le Corbusier-ის სისტემა 20 მკვეთრად დომინანტური და 43 შედარებით მსუბუქი ფერით დაკომპლექტდა. დაარსების დღიდან Jung-ის დევიზია: პროგრესი, ხარისხი და დიზაინი. სწორედ დიზაინია ის წერტილი, სადაც Jung-ი და Le Corbusier გადაიკვეთა. Le Corbuser-ის სისტემის განსაკუთრებულობა იმაშია, რომ მასში შემავალი ფერები იდეალურად ერწყმის ერთმანეთს, რამაც Jung-ი შთააგონა, რომ ეს ყველაფერი საკუთარი პროდუქტის დიზაინზე მუშაობისას გამოეყენებინა. სწორედ ამიტომ, გერმანულმა ბრენდმა შექმნა კოლექცია - „LS 990 Les Couleurs® “, სადაც გამოყენებულია Le Corbusier-ის სერიის 63-ვე უნიკალური ფერი. შედეგად Jung-ი ჩამრთველების და როზეტების უამრავ ჰარმონიულ კომბინაციას სთავაზობს მომხმარებელს.

Japandi დღესდღეობით ინტერიერის დიზაინის ერთ-ერთი ყველაზე პოპულარული მიმდინარეობაა. ეს არის იაპონური და სკანდინავიური კულტურის გაერთიანება, სადაც დასავლური და აღმოსავლური სამყაროები ჰარმონიულად თანაარსებობენ. მნიშვნელოვანი ფაქტია, რომ ეს ორი, ერთმანეთისთვის უცნობი მიმდინარეობა საუკუნეების განმავლობაში დამოუკიდებლად ვითარდებოდა და მიუხედავად ამისა, ძალიან ბევრი საერთო ნიშანი აღმოაჩნდათ. Japandi-ს უკეთესად გასაცნობად განვიხილოთ როგორც იაპონური ასევე სკანდინავიური დიზაინისთვის დამახასიათებელი ნიშნები: იაპონურ დიზაინში განსაკუთრებული ყურადღება ექცევა ნატურალურ მასალებს - ხე, ქვა, ქაღალდი, ბამბა, რატანი. რაც შეეხება ფერებს, ხშირად გამოიყენება ღია მწვანე და ყავისფერ ტონები. მნიშნველოვანია, რომ სივრცე არ იყოს ზედმეტად გადატვირთული, თუმცა ინტერიერის დეკორატიული გაფორმებას ხშირად გამოიყენება კერამიკული ნივთები, წიგნები, ბუნებრივი მასალებისგან დამზადებული სანათები და აზიური კულტურისთვის დამახასიათებელი სხვა ელემენტები. რაც შეეხება სკანდინავიურ სტილს, აქაც ხშირად ვხვდებით ნატურალურ მასალებს - ხე, კერამიკა და ა.შ. იაპონურისგან განსხვავებით, ძირითადი აქცენტი კეთდება ღია ფერებზე, როგორიცაა თეთრი, კრემისფერი, ღია ყავისფერი, რაც ინტერიერში სიმსუბუქის და ჰაეროვანი ატმოსფეროს შექმნას უზრუნველყოფს. განათებას ჩრდილოევროპულ დიზაინშიც დიდი ყურადღება ექცევა, განსაკუთრებით ხშირად გამოიყენება მინიმალისტური და სადა სანათები, რომლებიც სივრცის ზედმეტად დატვირთვას არ იწვევს. ალბათ უკვე თავადაც ხვდებით თუ რატომ იქმნება ეფექტური კომბინაცია ამ ორი კულტურის ერთმანეთთან შერწყმის შედეგად. მიუხედავად იმისა, რომ Japandi უკვე მრავალი წელია არსებობს, ის პოპულარობას დღესაც არ კარგავს - პირიქით, ბოლო წლების განმავლობაში ეს სტილი კიდევ უფრო პოპულარული გახდა. განსაკუთრებით გაიზარდა Japandi-ს გავლენა სანათების დიზაინზე, რაც ნათლად აისახება თანამედროვე ბრენდების კოლექციებზე.

განათება ინტერიერის დიზაინის უმნიშვნელოვანესი ნაწილია, რადგან სწორად შერჩეულ სანათებს შეუძლია სივრცე სრულიად განსხვავებულად დაგვანახოს. კონკრეტული გარემოსთვის აუცილებელია შესაფერისი სანათის გამოყენება, რომლის შესაბამისობაც ვიზუალთან ერთად დამოკიდებულია ტექნიკურ მახასიათებლებზე. ალბათ გსმენიათ ტერმინი - თბილი განათება. ამ ტერმინს გამოიყენებენ ნათების ტემპერატურის დასახასიათებლად, რომელიც იზომება კელვინებში. არსებობს თბილი, ნეიტრალური და ცივი განათება, რომლებიც ინტერიერის ხასიათის შესაბამისად შეგვიძლია შევარჩიოთ. “ფერის გადაცემის ინდექსი - CRI გვიჩვენებს რამდენად რეალურად აღიქმება ფერი შესაბამისი განათების პირობებში.” სანათის შერჩევისას ასევე ყურადღება უნდა მივაქციოთ ფერის გადაცემის ინდექსს (CRI), რომელიც გვიჩვენებს რამდენად რეალურად აღიქმება ფერი შესაბამისი განათების პირობებში. აღნიშნული მაჩვენებლის მაქსიმალური მნიშვნელობა არის 100. რეკომენდირებული მნიშვნელობა 90-ია, რომლის დროსაც ფერი კარგად გარჩევადია, ხოლო 80-ზე დაბალი კი ნაკლებად გვაძლევს რეალური ფერის აღქმის საშუალებას. ნათურის მიერ გამოსხივებული შუქის ნაკადი იზომება ლუმენებში, ხოლო ობიექტამდე მიღწეული და ზედაპირიდან არეკლილი სინათლის სხივების მაჩვენებელი - ლუქსების საშუალებით. ამ ორი ტექნიკური პარამეტრის გათვალისწინება მნიშვნელოვანია კონკრეტული სივრცისთვის სტანდარტებით გათვალისწინებული განათებულობის მისაღებად. “ სხვადასხვა გარემო პირობებისადმი შესაბამისი სანათის შერჩევისას აუცილებელია IP და IK დაცვის მაჩვენებლების გათვალისწინება.” IP დაცვის მაჩვენებელი განისაზღვრება ორნიშნა რიცხვით, სადაც პირველი ციფრი აღნიშნავს სანათში მყარი ობიექტების შეღწევადობისგან დაცვას, ხოლო მეორე ციფრი - წყლის შეღწევადობისგან დაცვის დონეს განსაზღვრავს. აქედან გამომდინარე, აუცილებელია აბაზანაში გამოვიყენოთ სანათები IP დაცვით. IK დაცვა გვიჩვენებს მოწყობილობების გარე მექანიკური ზემოქმედებისგან დაცვის ხარისხს, რომლის მნიშვნელობა განისაზღვრება 1-დან 10-მდე. რაც უფრო მაღალია მაჩვენებელი მით მეტია დაცვის დონე. სანათების გაშლის კუთხე საშუალებას გვაძლევს ეფექტურად გამოვიყენოთ განათების წყარო კონკრეტული სივრცის გასანათებლად. პატარა გაშლის კუთხის მქონე სანათებს ძირითადად კონკრეტული ობიექტების აქცენტირებულად განათებისთვის იყენებენ. ელექტროენერგიის ტარიფის ზრდასთან ერთად ენერგოეფექტურობა მნიშვნელოვანი პარამეტრი გახდა სანათის შერჩევისას. შესაბამისად მომხმარებლები უპირატესობას ანიჭებენ თანამედროვე LED განათებას, რომელიც კომუნალურ ხარჯებს მკვეთრად ამცირებს და გამოირჩევა მუშობის ხანგრძლივობით. ზემოთ აღნიშნული ტექნიკური პარამეტრების მნიშვნელობის ცოდნა დაგეხმარებათ სწორად შეარჩიოთ სანათი და მიიღოთ სტანდარტების შესაბამისი განათებულობა კონკრეტულ სივრცეში.