როგორ იქმნება რესტორნის ინტერიერის დიზაინი.

როგორ იქმნება განწყობა, რომელიც დაგამახსოვრდება?


ბროდში ყველა დეტალი გათვლილია — მათ შორის განათებაც. 
ბროდის გენერალური მენეჯერი, ნატა ზარნაძე, გვიზიარებს, როგორ შეარჩიეს განათება ინტერიერის შესაბამისად და რა მნიშვნელობა აქვს სწორად შერჩეულ განათებას, როცა საუბარია სტუმრის გამოცდილებაზე.

ნატა ზარნაძე: "რესტორნის ინტერიერში ძალიან ბევრი დეტალია გასათვალისწინებელი, იმიტომ რომ ბევრი კომპონენტისგან შედგება სივრცე და ეს ბევრი კომპონენტი ერთმანეთთან ჰარმონიულად უნდა იყოს შერწყმული.

სივრცეში დღის განმავლობაში შემოდის ბუნებრივი განათება. სამხრეთით არის მთავარი ფანჯრები და დღის განმავლობაში გვაქვს მზე, რომელიც ქმნის საოცარ ჩრდილებს სივრცეში. გვინდოდა რომ საღამოსაც ეს განათება სწორად გაგრძელებულიყო და ისე დაგვეგეგმა, რომ დღე ღამეში ბუნებრივად და ლამაზად გადასულიყო.

ერთერთი ყველაზე მნიშვნელოვანი კომპონენტი იყო განათება და განათების სწორი და შინაარსიანი გადანაწილება სივრცეში.

საღამოსაც გვინდოდა ისეთი გარემო შეგვექმნა, რომელიც სტუმარს თავს კომფორტულად აგრძნობინებდა და სიმყუდროვეს შემოიტანდა. მე მგონი გამოგვივიდა."

რესტორანი ბროდი გაიხსნა აპრილში, ინტერიერის დიზაინზე იმუშავა ნინო შვანგირაძემ - D-Collective.

"ნინო შვანგირაძე: "განათებამ შეასრულა უდიდესი როლი დიზაინის შექმნაში. თან ბაზად გვქონდა მსუყე შენობა. ძველი, აგურებიანი, რომელსაც თავისი ისტორია უკვე ჰქონდა.

კონცეფცია და დავალება იყო, რომ ეს უნდა ყოფილიყო დანიური გავლენით სადა ინტერიერი, ძალიან მშვიდი, თბილი და მყუდრო გარემო.

რაც შეეხება ნორდლუქსის სანათებს, ისინი არის ინტერიერის ძალიან დიდი ნაწილი, ხის პანელებთან ქმნიან კონტრასტს, რომელიც საჭირო იყო იმ მეტალის სახით, რომელიც გამოანათებდა და ამ ხესაც უფრო ძვირფასს გახდიდა."

დილაითი დანიური ბრენდის Nordlux ოფიციალური დილერის საქართველოში.